INFORMACIONET PER APLIKIMIN DHE KRITERET 

Shkollat, kolegjet dhe programet e UWC (United World Colleges) ofrojnë një përvojë arsimore sfiduese dhe transformuese për një grup të larmishëm nxënësish, duke i frymëzuar ata të kontribuojnë në krijimin e një të ardhmeje më paqësore dhe të qëndrueshme.

UWC përfshin 18 shkolla dhe kolegje në 5 kontinente, secili me karakteristikat e veta, por të gjithë ndajnë të njëjtin mision, parime dhe vlera.

Megjithëse arritjet e mira akademike vlerësohen shumë në UWC, rezultatet akademike shihen në kontekstin e një kombinimi të kërkuar të:

angazhimit në komunitet;

çështjeve dhe marrëdhënieve ndërkombëtare;

aktiviteteve fizike;

aktiviteteve dhe krijimtarisë artistike.

Përzgjedhja e studentëve është qëllimisht e larmishme dhe secila prej shkollave dhe kolegjeve bashkon nxënës nga vende, kultura dhe prejardhje të ndryshme.

Bursat, grantet dhe strukturat e tarifave synojnë të sigurojnë një përzierje të gjerë socio-ekonomike mes studentëve, duke i shtuar vlerë përvojës studentore dhe vetë organizatës.

UWC mbështetet në përkushtimin dhe ekspertizën e një rrjeti vullnetarësh për promovimin e UWC-së dhe përzgjedhjen e studentëve të ardhshëm. Këta quhen Komitete Kombëtare (National Committees) dhe veprojnë në më shumë se 140 vende në mbarë botën.

Çdo vit, një Komitet Kombëtar merr nga shkollat dhe kolegjet UWC një numër të caktuar vendesh, të cilat mund të përfshijnë bursa të plota, bursa të pjesshme ose vende me pagesë, dhe përzgjedh studentët që do të studiojnë për International Baccalaureate (IB) Diploma.

Ju lutemi, informohuni sa më shumë të jetë e mundur rreth UWC-së përpara se të aplikoni. Është e rëndësishme të kuptoni qëllimet e organizatës dhe angazhimin që kërkohet nga programet e ofruara.

Për më shumë informacion: www.al.uwc.org

---

KRITERET 

Për të aplikuar në kolegjet UWC përmes Komitetit Kombëtar Shqiptar, duhet të plotësoni kriteret e mëposhtme:

• Të jeni 16 ose 17 vjeç më 1 shtator 2027.
• Të keni njohuri të mira të gjuhës angleze.
• Të keni një mesatare minimale 8.5, ose ekuivalentin e saj, e llogaritur si më poshtë:
• mesatarja e notave përfundimtare të lëndëve të klasës së 10-të, për aplikantët që janë në klasën e 11-të; OSE
• mesatarja e notave përfundimtare të klasës së 9-të dhe provimeve përfundimtare, për aplikantët që janë në klasën e 10-të.
• Të jeni shtetas shqiptar, ose me origjinë shqiptare dhe të jetoni në një shtet që nuk ka Komitet Kombëtar UWC, ose të keni jetuar në Shqipëri gjatë 5 viteve të fundit.
• Një kandidat i suksesshëm duhet të jetë në gjendje të përfaqësojë Shqipërinë (gjuhën, kulturën etj.). Nëse nuk e plotësoni këtë kriter, mund të aplikoni drejtpërdrejt në kolegjet UWC përmes kuotës ndërkombëtare. Megjithatë, mund të keni vetëm një aplikim aktiv në të njëjtën kohë.
• Personaliteti juaj karakterizohet nga cilësi të tilla si: i/e vendosur, mendjehapur, i/e zgjuar, kurioz/e, bashkëpunues/e dhe i/e angazhuar.
• Të keni interes për kultura dhe ide të ndryshme, si dhe motivim të lartë për të ndjekur një program UWC.

Komiteti Kombëtar i Shqipërisë e kupton se çdo situatë është e ndryshme dhe rrethanat e veçanta merren gjithmonë në konsideratë.

Nëse nuk jeni të sigurt nëse i plotësoni kriteret e pranueshmërisë ose keni pyetje, mund të kontaktoni në: [email protected]

Nëse dëshironi të aplikoni, por nuk mund ta përdorni formularin online të aplikimit, kontaktoni në të njëjtën adresë.

---

Procesi i përzgjedhjes UWC Albania

Aplikimin e plotë mund ta dorëzoni në faqen e internetit të UWC Albania duke filluar nga 31 gushti 2026.

⚠️ Afati përfundimtar:
7 nëntor 2026, ora 23:59:59

Vetëm aplikimet e plota të dorëzuara brenda këtij afati do të shqyrtohen.

Dokumentet që duhet të përmbajë aplikimi:

1. Formulari i plotësuar i aplikimit në anglisht, përveç rasteve kur UWC Albania ju udhëzon ndryshe.
2. Kopje e pasaportës ose kartës së identitetit. Nëse keni më shumë se një pasaportë, duhet të dorëzoni kopje të të gjithave.
3. Raporti akademik nga viti i mëparshëm shkollor.
4. Dëshmia/diploma e përfundimit të arsimit bazë 9-vjeçar.
5. Një letër rekomandimi nga drejtori i shkollës ose mësuesi kujdestar, OSE një letër nga drejtuesi/supervizori i një prej aktiviteteve tuaja të preferuara jashtëshkollore.
6. Certifikatat e marra nga aktivitetet relevante jashtëshkollore. Këto certifikata duhet të bashkohen në një dokument PDF për ta lehtësuar shqyrtimin e aplikimit.

Aplikimet për vendet në UWC janë konkurruese. Çdo aplikim shqyrtohet me kujdes nga një panel i përbërë nga anëtarë të Komitetit Kombëtar të UWC Albania dhe alumni shqiptarë të UWC-së.

Procesi i aplikimit për studentët e viteve 2027–2029 do të zhvillohet pjesërisht online.

Fazat e përzgjedhjes:

1. Dorëzimi i aplikimit

Formulari dhe dokumentet mbështetëse duhet të dorëzohen deri më 7 nëntor 2026, ora 23:59:59.

Vetëm aplikimet e plota dhe të kandidatëve që plotësojnë kriteret do të shqyrtohen.

Nëse aplikimi juaj nuk është i pranueshëm, do të njoftoheni me email brenda dy javësh.

2. Shqyrtimi dhe intervistat

Aplikimet do të shqyrtohen online nga një panel alumni të UWC Albania.

Kandidatët që kualifikohen do të intervistohen nga alumni dhe staf i UWC-së përmes:

• Zoom;
• Microsoft Teams;
• Google Meet;
• ose telefonit.

Intervistat do të zhvillohen gjatë dy fazave në nëntor/dhjetor 2026.

Kandidatëve të përzgjedhur në listën e ngushtë (shortlist) do t'u kërkohet të dorëzojnë informacion shtesë gjatë muajit dhjetor 2026.

Kandidatët që nuk do të përzgjidhen në listën e ngushtë do të njoftohen për vendimin.

⚠️ Vendimi është përfundimtar dhe, për shkak të numrit të madh të aplikimeve, nuk do të ofrohet feedback individual për aplikantët.

---

Bursat e bazuara në nevojën financiare

Të gjitha ofertat për vitet 2027–2029 janë bursa të bazuara në nevojën financiare.

Për përcaktimin e këtyre bursave:

• Gjendja financiare e prindërve vlerësohet vetëm për kandidatët finalistë.
• Kandidatët e përzgjedhur do të marrin një bursë/studentship bazuar në meritën dhe nevojën financiare, pas vlerësimit të gjendjes financiare të prindërve.
• Të gjitha marrëveshjet financiare konfirmohen në momentin e nominimit, përmes paraqitjes së dokumenteve financiare origjinale dhe/ose të noterizuara dhe nënshkrimit të një marrëveshjeje mes prindërve dhe shkollës/kolegjit.

Shkolla ose kolegji specifik UWC ruan të drejtën të kryejë një vlerësim të mëtejshëm të nevojës financiare edhe pas dhënies së bursës nga UWC Albania.

---

Procesi i nominimit

Kandidatët e suksesshëm do të nominohen për shkolla dhe kolegje specifike UWC në shkurt 2027.

Shkollat dhe kolegjet UWC zakonisht i pranojnë kandidatët e nominuar bazuar në rekomandimin e Komitetit Kombëtar, por ruajnë të drejtën për të marrë vendimin përfundimtar për çdo kandidat.

E RENDESISHME 

Aplikimi bëhet në UWC Albania, dhe jo për një shkollë apo kolegj të caktuar.

Mund të bëni vetëm një aplikim në UWC. Nuk mund të aplikoni përmes dy Komiteteve Kombëtare të ndryshme.

Kandidatët me aftësi të kufizuara, të cilët janë të pavarur në nevojat e tyre të përditshme, inkurajohen të aplikojnë.

Të gjitha informacionet e dorëzuara gjatë procesit të aplikimit do të aksesohen nga anëtarët e Komitetit Kombëtar të Shqipërisë vetëm për qëllimin e vlerësimit të kandidaturës për bursat/studentship-et e specifikuara më sipër.

UWC Albania nuk ofron feedback individual pas dorëzimit të aplikimeve.

Të gjitha vendimet janë përfundimtare dhe të panegociueshme.

KETU DO GJENI DHE LINKUN PER ME SHUME INFORMACIONE TE DETAJUARA  https://apply.uwc.org/prog/uwc_albania_application_2027-2029/