01 – Intro video STAR

02 – Cilët janë profesionet e së ardhmes?

Në këtë episod #02, ne u përgjigjemi disa pyetjeve jo shumë të lehta: Sa shpejt po ndryshon tregu i punës? Si zhduken disa vende pune dhe shfaqen të reja? Sa vende pune dhe profesione do të duhet të ndryshoj para se të dal në pension? Cilat janë punët e së ardhmes dhe a mund të parashikojmë se si do të duket e ardhmja e afërt kur bëhet fjalë për vendet e punës dhe çfarë do të kërkohet? Si mund të përgatitemi për këto sfida të reja dhe shpejtësinë e ndryshimit? A është ky lloj sistemi arsimor i përshtatshëm dhe i mjaftueshëm dhe sa do të më ndihmojë?

03 – Kush janë punëtorët më të dëshiruar? A je ti ndër ta?

Çfarë në fakt kërkojnë punëdhënësit? A mjafton diploma apo ka diçka më shumë? Në këtë episod të serisë STAR edu do të mësosh cilat janë ato aftësi të buta kyçe dhe mënyra e të menduarit që mund të të veçojnë mes qindra kandidatëve – pa marrë parasysh nëse je doktor, kuzhinier apo programues. Nëse dëshiron të bëhesh punonjësi që të gjithë e duan – ky episod është për ty. Kursi video STARedu: Si të bëhesh atraktiv në tregun e punës ndihmon të rinjtë në zhvillimin e karrierës në Ballkanin Perëndimor.

04 – Si të zbulosh potencialin, pasionin dhe profesionin tënd të ardhshëm?

Në këtë episod të serisë STARedu zbulojmë se si të njohësh potencialin, pasionin dhe profesionin tënd të ardhshëm me ndihmën e modelit japonez Ikigai. Përmes këshillave praktike dhe shembujve do të mësosh si të eksplorosh interesat dhe talentet e tua, të ndjekësh tregun e punës, të lidhesh me njerëz nga industria dhe të marrësh vendime që të çojnë drejt një jete të plotësuar dhe me kuptim.

05 - A ia vlen të studiosh apo sa vlen një diplomë?

Diplomë apo praktikë? A ka ende vlerë studimi në tregun e punës? Zbulo gjithçka – nga statistikat dhe pagat deri te shembujt e të famshmëve që ia dolën pa fakultet. Në këtë episod eksplorojmë përparësitë (dhe kufijtë) e arsimit të lartë, alternativat dhe si të gjesh rrugën tënde. Sepse pyetja nuk është a duhet të studiosh, por kur, çfarë dhe pse.

06 - Sa është faktori yt VIP? (Lidhje, informacione, njohje!)

Në këtë episod të serisë STARedu zbulojmë pse lidhjet, informacionet dhe njohjet (VIP) janë kyçe për suksesin tënd – sidomos në Ballkan! Mëso si të ndërtosh një rrjet kontaktetsh, si të shfrytëzosh mundësitë që sjell networking-u dhe si të bëhesh i/e dukshëm dhe i/e njohur. Përmes një historie të vërtetë të një lideri të ri nga Sarajeva, do të zbulosh se si edhe ti mund të fitosh bursë, punë apo ngritje në karrierë – jo me “shtelë”, por me hapat dhe strategjitë e duhura.

07 - Sa është fuqia e ideve?

A e di që një kasetë me rumbë, një pije energjike tajlandeze dhe një takim i rastësishëm në bar mund të nisin biznese globale? Në këtë episod të STARedu zbulojmë se si situatat e përditshme, në dukje banale, u bënë shkëndijë për ide që ndryshuan botën – nga Zumba dhe Red Bull deri te McDonald's dhe Vita Coco. Zbulo pse kreativiteti nuk është talent, por stil jete – dhe mëso 5 zakone konkrete që mund të të ndihmojnë edhe ty të mendosh “jashtë kutisë”. Është koha të aktivizosh imagjinatën tënde. Kursi video STARedu: Si të bëhesh atraktiv në tregun e punës ndihmon të rinjtë në zhvillimin e karrierës në Ballkanin Perëndimor.

08 - Si ta shfrytëzosh shkollën/fakultetin si mundësi për rritje në karrierë?

Ende je në shkollë apo në fakultet? Koha ideale për të filluar ndërtimin e karrierës tënde! Në këtë episod të kursit STARedu zbulojmë se si pikërisht përmes aktiviteteve jashtëshkollore, garave, shkëmbimeve dhe organizatave studentore mund të zhvillosh aftësi dhe përvoja që do të të bëjnë të dëshirueshëm në tregun e punës. Mos prit diplomën – shfrytëzo çdo mundësi tani dhe hidh hapin e parë drejt karrierës së ëndrrave.

09 - Si të zhvillosh aftësi të reja përveç shkollës dhe fakultetit?

Shkolla dhe fakulteti janë të shkëlqyera, por nuk mjaftojnë. Në këtë episod zbulojmë se si përmes arsimit joformal, kurseve online, punëtorive, librave, tutorialeve dhe praktikave mund të fitosh aftësi që të dallojnë në tregun e punës. Mëso ku të gjesh mundësi, si të aplikosh dhe si të përfitosh maksimalisht nga çdo aktivitet i ri.

10 - Si të fitosh përvojën tënde të parë pune pa “shtele”?

Të gjithë kërkojnë përvojë, por si ta fitosh atë nëse ende nuk e ke? Të sjellim mënyra konkrete: praktika, vullnetarizëm, freelancing dhe punë sezoniere. Do të dëgjosh edhe një histori frymëzuese të një vajze që hyri në botën e IT-së pa lidhje apo njohje – vetëm falë qëndrueshmërisë dhe iniciativës së saj.

11 - Çfarë lidhje ka aktivizmi me punësimin?

Aktivizmi nuk është vetëm vullnetarizëm – është një mundësi për të ndryshuar komunitetin dhe për të zhvilluar aftësi që kërkohen nga punëdhënësit. Zbulo se si angazhimi yt në projekte, organizata rinore, këshilla studentore apo iniciativa ndërkombëtare mund të të ndihmojë të ndërtosh rrjetin e kontakteve, të forcosh aftësitë e komunikimit dhe udhëheqjes dhe të dallosh mes kandidatëve për punë.

12 - Si të balancosh shkollën/studimet dhe aktivitetet e tjera?

Të mbytën detyrat dhe nuk ke kohë për veten? 🎯 Në këtë episod të STARedu të sjellim këshillat më të mira se si të organizohesh, të menaxhosh kohën dhe të shmangësh stresin! Liro kohë për detyrat dhe për atë që të pëlqen! ⚖️

13 - Si të shkruash një aplikim cilësor për bursë, praktikë ose shkëmbim?

Dëshiron bursë, praktikë ose shkëmbim? Në këtë episod të kursit STARedu zbulojmë se si të shkruash një aplikim cilësor që hap dyert e mundësive më të mira. Mëso si të gjesh programet e duhura, të përgatitësh CV-në dhe letër motivimi, të theksojë arritjet dhe aftësitë e tua dhe të lësh një përshtypje profesionale. Me këto dhjetë këshilla praktike, aplikimi yt mund të bëhet një “winning application” dhe të të çojë një hap më afër karrierës së ëndrrave.

14 - Cilat janë teknikat për të kërkuar punë?

Ke përfunduar shkollën ose fakultetin dhe po pyesësh se ku të gjesh punë? Në këtë episod të kursit STAR edu të sjellim tetë teknika të provuara që mund të të ndihmojnë të punësohesh – nga zyrat dhe agjencitë e punësimit, portalet online dhe agjencitë për punë sezoniere, deri te panairet e karrierës, rrjetet e biznesit, kontakti direkt me kompanitë, freelancing-u dhe nisja e biznesit tënd. Me shembuj praktikë dhe lidhje të dobishme, të tregojmë ku dhe si mund të fillosh kërkimin për punë dhe të hapësh dyer të reja në tregun e punës.

15 - Si të krijosh CV-në dhe letrën e motivimit më të mirë?

Si të krijosh CV-në dhe letrën e motivimit më të mirë? CV-ja dhe letra e motivimit janë bileta jote për në tregun e punës! Në këtë episod të kursit STAR Study mëso si të theksosh aftësitë, të shmangësh gabimet më të zakonshme dhe të shkruash një letër motivimi që punëdhënësit me të vërtetë duan ta lexojnë.

16 - Si të “shkëlqesh” në intervistën për punë?

Përshtypja e parë është më e rëndësishmja! Në këtë episod të kursit STAR Study mëso si të përgatitesh për intervistën, të përgjigjesh në pyetjet më të zakonshme dhe të tregosh vetëbesim. Të sjellim këshilla praktike që do të të ndihmojnë të lësh një përshtypje të fortë dhe të rrisin shanset që të fitosh punën.

17 - Çfarë të bësh dhe çfarë kurrë në punën (e parë) ose cilat janë rregullat e lojës?

Në këtë episod të kursit Star Study zbulojmë rregullat e lojës në punë – këshilla për të gjithë ata që sapo fillojnë! Mëso si të lësh një përshtypje të shkëlqyer, të shmangësh gabimet e fillestarëve dhe të fillosh drejt një karriere të suksesshme. 💡 Këshilla që mund t’i përdorësh menjëherë: * Komunikimi profesional * Organizimi dhe prioritetet * Si të sillesh dhe çfarë të shmangësh Mos e humbisni këtë udhëzues për punën tënde të parë!