Solutions for Municipalities - Local innovation hackathon
Instituti Robert Schuman Institute, në bashkëpunim me Eduardo Frei Foundation, prezanton një projekt të dedikuar për fuqizimin e të rinjve aktivistë dhe përfaqësuesve të OJQ-ve në vendet e përzgjedhura të Evropës Juglindore. Këtë vit, fokusi është adresimi i sfidave sociale dhe ekonomike lokale përmes zhvillimit të zgjidhjeve konkrete dhe me ndikim për komunitetet dhe bashkitë. Një element kyç i projektit është formati inovativ i hackathon-it i kombinuar me metodologjinë Design Thinking, duke sjellë një qasje praktike dhe bashkëpunuese për zgjidhjen e sfidave lokale.
Gjatë këtij projekti, ju do të fitoni aftësi praktike dhe njohuri në zgjidhjen e problemeve me fokus te qytetari, duke identifikuar sfidat më urgjente sociale dhe ekonomike në komunitetin tuaj dhe duke zhvilluar përgjigje konkrete ndaj tyre. Duke bashkëpunuar me pjesëmarrës të tjerë, do të kontribuoni në krijimin e prototipeve të zgjidhjeve reale për sfidat më të rëndësishme lokale në rajonin tuaj.
Më konkretisht, do të:
- Kontriboni në ndryshime pozitive në komunitetet lokale përmes forcimit të qasjeve të orientuara drejt qytetarit në zgjidhjen e sfidave ekonomike dhe sociale në nivel bashkie, duke ju fuqizuar si agjentë ndryshimi.
- Do njiheni me metoda inovative të zgjidhjes së problemeve përmes metodologjive të hackathon-it dhe Design Thinking.
- Do t’ju ofrohen mjete dhe teknika praktike për zhvillimin e zgjidhjeve të bazuara në të dhëna dhe nevojat reale të komunitetit.
- Do t’ju prezantohen praktika evropiane dhe rajonale efektive në zhvillimin e komunitetit dhe inovacionin lokal.
- Do të mbështeteni në zhvillimin e një ideje me potencial real për të përmirësuar cilësinë e jetës në komunitetin tuaj.
Pjesëmarrësit: Projekti do të bashkojë deri në 16 pjesëmarrës, përfshirë këshilltarë të rinj bashkiakë të qendrës së djathtë, aktivistë dhe përfaqësues të OJQ-ve (mosha 20–35 vjeç) nga katër vende të Evropës Juglindore: Shqipëria, Kosova, Maqedonia e Veriut dhe Mali i Zi.
Përparësi do t’u jepet kandidatëve me eksperiencë të dëshmuar në iniciativa politike dhe publike, veçanërisht në hartimin e politikave, si dhe atyre që tregojnë gatishmëri për bashkëpunim aktiv në arritjen e objektivave të programit.
📅 Datat e programit:
- Moduli 1 (online - Zoom): E mërkurë, 03 Qershor 2026
- Moduli 2 (fizikisht në Shqipëri - qyteti konfirmohet së shpejti): 10-12 Korrik 2026 (e premte - e diel)
- Mbërritja: E enjte, 09 Korrik 2026 (pasdite) - për pjesëmarrësit jashtë Shqipërisë
- Nisja: E diel, 12 Korrik 2026 (paradite)
Pjesëmarrja e plotë dhe angazhimi aktiv në të gjitha modulet dhe sesionet është i detyrueshëm.
🌍 Gjuha e punës: Anglisht (nuk do të ofrohet përkthim).