Trajnere per ofrimin e trajnimit mbi aftesite baze per te rinjte NEET
Trajner për ofrimin e Trajnimit mbi Aftësitë Bazë për të rinjtë NEET
Shoqata KREO, në bashkëpunim me organizatën “Me Komunitetin për Ndryshim”, po zbaton në Vlorë projektin “Fuqizimi i të Rinjve përmes Aftësive Bazë dhe Aktivizimit Rinor”.
Në kuadër të këtij projekti, Shoqata KREO kërkon të kontraktojë ekspertë të kualifikuar për ofrimin e trajnimeve mbi aftësitë bazë dhe digjitale për të rinjtë NEET - të rinj që nuk janë të punësuar dhe nuk ndjekin arsim apo formim profesional.
Trajnimet synojnë të përmirësojnë kompetencat bazë dhe aftësitë digjitale të pjesëmarrësve, duke rritur gatishmërinë e tyre për arsimim, formim profesional dhe punësim.
Kushtet për pjesëmarrje:
Të gjithë individët ose subjektet e interesuara duhet të dorëzojnë ofertën dhe dokumentacionin e kërkuar, sipas kushteve të përgjithshme dhe specifike të kësaj ftese, brenda datës 30.09.2026, në adresën elektronike [email protected], me subjekt:
“Aplikim - Trajner për ofrimin e sesioneve mbi aftësitë bazë për të rinjtë”
Tipologjia e aplikanteve
- Individ / Person fizik/Person Juridik (Entitete Juridike) i regjistruar me NIPT
- Objekt i veprimtarisë duhet të jetë në përputhje me shërbimin e kërkuar
- Në rast subjektesh juridike, kërkohet regjistrim i vlefshëm në QKB ose ne Gjykate