Креирај, снимај и промовирај – ESC волонтирање во Полска
📱 Сакаш социјални мрежи, фотографија, видео и дизајн? Имаш креативни идеи и сакаш да ги претвориш во вистински содржини? Оваа едногодишна ESC можност во Полска е за тебе! Организацијата бара волонтер/ка кој/а ќе биде одговорен/на за социјалните мрежи и визуелната комуникација. Ќе работиш на Instagram и Facebook, а ќе имаш можност да помогнеш и во развојот на TikTok профилот. Ќе бидеш дел од пријателски и интернационален тим со волонтери од различни земји и ќе придонесуваш во две иницијативи: Centrum Aktywności Obywatelskiej Center for the Integration of Foreigners
🎥 Што ќе правиш?
Твоите активности ќе вклучуваат:
- креирање Instagram Stories и Reels;
- фотографирање и снимање видеа;
- креирање визуелни материјали и постери;
- работа со Canva и Figma;
- пишување текстови, блог-објави и captions за социјални мрежи;
- помош во развивање на TikTok присуството;
- промоција на ESC и волонтерството на јавни настани;
- фотографирање и видео-документирање на активности и патувања;
- подготовка и реализација на настани – регистрација, техничка поддршка и поставување;
- собирање повратни информации од учесниците, со почитување на правилата за заштита на личните податоци.
👧 Покрај медиумските активности, ќе имаш можност да работиш и со деца и да помогнеш во различни активности на организацијата.
🎨 Имаш нешто што веќе си го направил/а? Покажи ни!
Пред аплицирањето потребно е да испратиш примероци од твојата работа преку WhatsApp на +48 606 629 700 – со име, земја и називот на ESC понудата.
📌 Потребно е да испратиш:
- еден постер
- едно видео
Како прв чекор, организацијата бара и предлог-постер за нивниот годишен проект Global Village – настан на кој 10 волонтери од различни земји ја претставуваат својата култура преку работилници за деца.
🏠 Сместување и финансиска поддршка
Ќе живееш во заеднички стан со други волонтери. Постојат опции за:
- 2 лица во стан со 2 соби;
- 3 лица во поголем стан со 2 соби.
Ќе добиваш џепарлак и додаток за храна од околу 11 евра дневно, исплатени во полски злоти. Трошоците за патување од твојот град се покриваат преку програмата.
🎓 Обука и развој
Како дел од ESC искуството ќе учествуваш на On-Arrival Training и Mid-Term Training.
Дополнително, волонтерите често се покануваат да учествуваат во Erasmus+ проекти, што овозможува дополнително стекнување компетенции и меѓународно искуство.
Ќе имаш можност да посетуваш и курс по полски јазик, покрај OLS платформата која е стандардно достапна преку програмата.
👤 Кого го бараме?
Бараме личност која е:
- 🫶 креативна и љубопитна;
- 📱 заинтересирана за социјални мрежи, дизајн или фотографија;
- 🎨 подготвена да работи со Canva и Figma;
- 🤝 сака тимска работа, но знае и да преземе иницијатива;
- 👧 ужива во работа со деца, млади и возрасни;
- 🌍 отворена за нови искуства и авантури;
- 📸 внимателна при фотографирање и снимање и ги почитува правилата за приватност.
✨ Ако знаеш да создаваш содржина, сакаш да раскажуваш приказни преку фотографии и видеа и сакаш една година да поминеш во интернационална средина – ова е можноста за тебе!
Целиот повик е тука