Менаџер за квалитет во КОСТАЛ

Работа
Менаџер за квалитет во КОСТАЛ

Имате искуство во управување со квалитет, лидерски способности и желба да бидете дел од меѓународна компанија која работи со најсовремени технологии во автомобилската индустрија? КОСТАЛ Македонија отвора можност за вработување на позицијата Менаџер за квалитет (Quality Manager) во фабриката во Охрид. КОСТАЛ е еден од водечките меѓународни добавувачи на сложени електронски и мехатронски производи за индустриски и автомобилски апликации. Компанијата е присутна во 21 земја и има повеќе од 20.000 вработени ширум светот. Фабриката во Охрид произведува компоненти за некои од најпознатите автомобилски брендови, меѓу кои BMW, Volkswagen, Audi, Mercedes, Porsche, Jaguar и Land Rover.

Работна позиција: Менаџер за квалитет (Quality Manager)

Менаџерот за квалитет е висока раководна позиција и член на менаџерскиот тим на компанијата. Одговорен е за целокупното управување, организација и развој на функцијата за квалитет, како и за континуирано унапредување на системите, процесите и стандардите за квалитет.

Позицијата вклучува стратешко и оперативно управување со Одделот за квалитет, раководење со тимот и обезбедување усогласеност со меѓународните стандарди, особено IATF 16949 и ISO 9001.

Главни работни задачи и одговорности

  • Раководење, мотивирање и професионален развој на тимот за квалитет;
  • Планирање и следење на буџетот, целите и индикаторите за успешност (KPI);
  • Имплементација и одржување на системите за управување со квалитет;
  • Следење и анализа на резултатите и редовно известување на менаџментот;
  • Организирање и спроведување интерни, екстерни, клиентски и сертификациски аудити;
  • Управување со поплаки од клиенти, рекламации и процеси за решавање проблеми;
  • Дефинирање корективни и превентивни мерки и спроведување анализи на основните причини за проблемите;
  • Унапредување на квалитетот на производите и производствените процеси;
  • Управување со процесите APQP, PPAP и FMEA;
  • Следење и подобрување на квалитетот на добавувачите;
  • Развивање и спроведување обуки за вработените;
  • Активно учество во работата на менаџерскиот тим и иницирање активности за континуирано подобрување.

Потребни квалификации и искуство

За оваа позиција се бараат кандидати кои ги исполнуваат следните услови:

  • Завршено високо образование од областа на природните науки, инженерството или соодветна професионална квалификација;
  • Најмалку 5 години професионално искуство на раководна позиција во областа на управување со квалитет, по можност во автомобилската индустрија;
  • Обуки и сертификати од VDA-QMC, AIAG, DGQ или други признати институции;
  • Сертификат или еквивалентна квалификација за интерен аудитор за IATF 16949, ISO 14001 и VDA 6.3;
  • Познавање и практична примена на Lean Manufacturing методологијата;
  • Познавање на Six Sigma Black Belt ќе се смета за значителна предност;
  • Одлично познавање на англискиот јазик.

Лични и професионални компетенции

Кандидатите треба да поседуваат:

  • Докажани лидерски способности и искуство во управување и развој на тимови;
  • Одлични комуникациски, организациски и преговарачки вештини;
  • Аналитички и структуриран пристап кон работата;
  • Способност за самостојно донесување одлуки и решавање сложени проблеми;
  • Ориентираност кон клиентите и постигнување резултати;
  • Одговорност, проактивност и флексибилност;
  • Способност за работа под притисок и соработка со меѓународни тимови;
  • Посветеност на континуирано подобрување.

Што нуди КОСТАЛ Македонија?

Со приклучувањето кон тимот на КОСТАЛ, кандидатите добиваат можност за професионален развој и работа во современа меѓународна компанија, со следните придобивки:

  • Атрактивен и конкурентен компензациски пакет;
  • Проширено приватно здравствено осигурување, вклучително и за малолетните деца;
  • Животно осигурување;
  • Службено возило;
  • Работа со напредни технологии во модерна работна средина;
  • Можности за професионално усовршување и кариерен развој;
  • Работа и живот во Охрид.

Начин и рок за аплицирање

Заинтересираните кандидати треба да достават:

  • Ажурирана професионална биографија (CV);
  • Мотивациско писмо.

Документите треба да бидат подготвени на англиски јазик и доставени преку опцијата „Брза апликација“, со наведување на позицијата „Менаџер за квалитет (Quality Manager)“.

Аплицирај тука

Подели членак: