Отворен повик за 8-месечна волонтерска активност

🌱 Во што ќе биде вклучен волонтерот?

Заштита на животната средина

• едукација на различни целни групи за заштита на животната средина и одржлив развој;
• промовирање на природно градинарство;
• практична работа во градина и учење за одржливи начини на одгледување.

👥 Учество во демократскиот живот

• промовирање на локалното и меѓународното волонтерство;
• информирање на младите и другите целни групи за можностите за волонтирање.

🌍 Инклузија и различности

• промовирање на европските вредности;
• активности поврзани со мултикултурализам, единство и почитување на различностите.

💻 Дигитална трансформација

• креирање видеа;
• подготовка на содржини за социјални медиуми;
• користење дигитални и виртуелни алатки во секојдневните активности.

🏢 Канцелариски активности

• административна поддршка;
• помош при подготовка и организација на мобилности за ESC тимови;
• поддршка во подготовката на активности и работилници.

🏡 Сместување, храна и патување

Волонтерот ќе биде сместен во стан.

Хостинг-организацијата ги покрива трошоците за:

• 🏠 сместување;
• 🍽️ храна;
• 🚍 локален транспорт;
• 🎯 активности поврзани со проектот.

Патните трошоци ќе бидат покриени до максималниот износ предвиден за земјата на учесникот согласно правилата на European Solidarity Corps.

🎓 Обуки и поддршка

Во текот на активноста, волонтерот ќе учествува на задолжителните обуки организирани од Националната агенција:

• On-Arrival Training
• Mid-Term Training

Дополнително, волонтерот ќе има можност да учествува на обуки поврзани со конкретните задачи, меѓу кои:

• вредностите и принципите на OAZA;
• работа со волонтери;
• методи на неформално образование;
• основи на природното градинарство;
• работа со деца во основни училишта;
• планирање и подготовка на работилници;
• работилници за личен развој;
• Youthpass;
• ESC платформата;
• студиски посети.

👧 Работа со деца

Особено важен дел од активноста е работата со деца од основно училиште, на возраст од 6 до 14 години.

Волонтерот ќе има можност да учествува во едукативни и креативни активности со децата, поврзани со животната средина, одржливиот развој, здравиот начин на живот и други теми.

👤 Кого бараме?

Бараме мотивирани, проактивни и одговорни млади луѓе кои сакаат да учат преку практично искуство.

Особено се охрабруваат да се пријават кандидати кои:

• се заинтересирани за заштита на животната средина и одржливост;
• сакаат да научат повеќе за природното градинарство;
• сакаат да работат со деца на возраст од 6–14 години;
• не се плашат од физичка работа во градина;
• се подготвени за работа на отворено, во различни временски услови;
• се отворени кон практична работа, вклучително и работа со земја и растенија;
• се заинтересирани за креативно изразување, DIY, уметност и рачни изработки;
• имаат интерес за вегетаријански/вегански начин на исхрана, здрава исхрана и здрави животни навики;
• се заинтересирани за волонтерство;
• имаат комуникативно познавање на англиски јазик.

Претходно искуство не е потребно – најважни се мотивацијата, желбата за учење и подготвеноста активно да се вклучиш во активностите.

📌 Важно за пријавувањето

Проектот трае 8 месеци и е наменет за еден индивидуален волонтер.

За пријавување е задолжително да се пополни целосната апликација. Само целосните апликации ќе бидат земени предвид во процесот на селекција.

📄 Задолжително: прочитај го Info Pack пред аплицирањето.

📝 Апликација: пополни го задолжителниот Application Form.

Ова е одлична можност за млад човек кој сака 8 месеци да посвети на учење, работа со деца, грижа за животната средина и активно учество во волонтерска заедница. 🌱💚

Не е потребно да имаш претходно професионално искуство – потребни се мотивација, одговорност, отвореност и желба да научиш нешто ново.

Целиот повик тука