Отворен повик за ангажирање експерт за ихтиофауна за истражувања во Вевчанска Локва
Во рамките на проектот „Jablanica–Karaorman Biological Bridge“, финансиран од ПОНТ (Prespa Ohrid Nature Trust), а имплементиран од Центарот за истражување и информирање за животна средина „Еко-свест“ од Скопје, се отвора повик за ангажирање на експерт за ихтиофауна за спроведени теренски истражувања, проценка на состојбата и спроведување на мерки за реставрација на Вевчанска Локва.
Главен предмет и цел на ангажманот
Главната цел на овој ангажман е да се изврши сеопфатна проценка на состојбата на ихтиофауната во Вевчанска Локва, да се дефинираат и имплементираат конкретни мерки за нејзина реставрација, со цел подобрување на еколошкиот статус на ова водно станиште.
Опсег на работа и специфични задачи
Ангажираниот експерт ќе биде одговорен за реализација на активностите структуирани во две главни фази, во блиска координација со проектниот тим на „Еко-свест“:
Фаза 1: Идентификација и проценка на состојбата со ихтиофауната
- Теренско истражување и квалитативно/квантитативно земање примероци:
- Спроведување на теренски мониторинг за утврдување на присутните видови риби.
- Проценка на густината и структурата на популациите на риби.
- Анализа на клучните закани по еколошкиот статус на стаништето.
- Изработка на Проценка на состојбата (Assessment Report) со Предлог-мерки:
- Подготовка на извештај од Фаза 1 со детали за присутната ихтиофауна.
- Дефинирање на конкретен и практичен План со предложени мерки за реставрација и подобрување на стаништето.
Фаза 2: Спроведување и супервизија на мерките за реставрација
- Имплементација на одобрените мерки за реставрација:
- Директно учество или стручна супервизија при реализација на мерките на терен за реставрација на Вевчанска Локва (пр. контрола/отстранување на инвазивни видови).
- Пост- мониторинг (6 месеци по спроведување на мерките за реставрација:
- Теренска верификација и контрола по спроведените реставрациски мерки.
- Подготовка на Финален извештај:
- Документирање на сите спроведени мерки, постигнатите резултати, фото-документација и давање насоки/препораки за долгорочно одржливо управување со Вевчанска Локва.
Очекувани резултати
- Фаза 1 (Проценка на состојбата): Детална анализа на ихтиофауната со предлог-план за мерки за реставрација на Вевчанска Локва.
- Фаза 2 (Финален извештај): Документирани спроведени мерки за реставрација на терен со заклучоци и препораки за идно одржување.
Временска рамка и обем на ангажман
- Времетраење на договорот: 12 месеци од денот на потпишување на Договорот.
- Број на денови: Ангажманот предвидува вкупно 10-15 експертски дена распоредени во текот на 12-те месеци, согласно активностите.
Потребни квалификации
Кандидатите треба сумарно да ги исполнуваат следните критериуми:
- Образование: Завршено високо образование (најмалку VII/1 степен или Мастер/Докторат) во областа на биолошките науки, екологијата, заштитата на животната средина.
- Професионално искуство: Минимум 5 (пет) години работно искуство во заштита на природата, со фокус на истражување на ихтиофауна, хидробиологија или реставрација на слатководни екосистеми.
- Специфични вештини: Докажано искуство во теренска работа (земање примероци, идентификација на рибни видови) и планирање/спроведување на мерки за реставрација на водни станишта.
- Јазици: Одлично познавање на македонски и англиски јазик (пишан и говорен).
Повеќе инфо прочитај тука