Отворен повик за тимско волонтирање во Турција – „You Future“ ESC Project
Доколку сакаш да стекнеш нови знаења за справување со природни катастрофи, климатски промени и безбедност на заедниците, а истовремено да бидеш дел од интернационален тим на млади волонтери, проектот „You Future“ е одлична можност за тебе. Станува збор за 30-дневен тимски волонтерски проект во рамките на Европскиот солидарен корпус (ESC), кој ќе се реализира од 26 август до 24 септември 2026 година во Соргун, Јозгат, Турција. Во секој тим ќе учествуваат 10 млади волонтери кои преку обуки, практични активности и работа со локалната заедница ќе придонесат за подигање на јавната свест за подготвеност при катастрофи и зајакнување на отпорноста на заедниците.
Што ќе работат волонтерите?
Во текот на проектот, волонтерите ќе:
- учествуваат на обуки за подготвеност при катастрофи, климатски промени и закрепнување по кризни ситуации;
- посетуваат работилници, семинари, теренски посети и симулациски вежби;
- организираат едукативни работилници, кампањи и интерактивни активности за деца, млади и возрасни;
- промовираат безбедност, активно граѓанство и интеркултурен дијалог во локалната заедница.
Што ќе научат учесниците?
Волонтерите ќе стекнат практични знаења и вештини во областа на:
- подготвеност при катастрофи;
- прва помош;
- климатски промени;
- отпорност на заедниците;
- планинарство;
- пребарување и спасување;
- потрага по исчезнати лица.
Обуките ќе бидат надополнети со практични вежби, симулации и работа на терен.
Сместување и финансиска поддршка
Волонтерите ќе бидат сместени во заеднички стан во Соргун, каде ќе живеат со други ESC волонтери. Сместувањето располага со двокреветни соби, кујна, интернет и сите неопходни услови за секојдневен живот.
Во рамките на проектот се обезбедени:
- 6 евра дневно џепарлак;
- 6 евра дневен надоместок за храна;
- рефундирање на патните трошоци согласно правилата на Европскиот солидарен корпус.
Кој може да аплицира?
Се бараат млади кои:
- се креативни, активни и отворени за нови култури;
- сакаат да работат во тим и да преземаат одговорност;
- имаат солидно познавање на англиски јазик;
- се организирани, толерантни и ориентирани кон изнаоѓање решенија;
- имаат желба да придонесат во локалната заедница;
- се подготвени да учат и да стекнат нови искуства;
- имаат интерес или желба да научат повеќе за подготвеност при катастрофи и климатски промени.
Оваа волонтерска можност е одлична за сите кои сакаат да развијат практични вештини, да работат во меѓународен тим и да придонесат за создавање побезбедни и поотпорни заедници.
Повеќе информации тука