Отворен повик за волонтер во Перу – Поддршка во образовни активности со деца и млади
Доколку сакаш да работиш со деца и млади, те интересира неформалното образование и сакаш да придонесеш за развојот на локалните заедници, ова е одлична можност да стекнеш меѓународно волонтерско искуство преку програмата EU Humanitarian Aid Volunteering. Волонтерот ќе биде дел од проектот PUENTES, имплементиран од организациите ASPEm и BVBP, каде ќе придонесува во програмата „Education for the Future“ во училиштата и заедниците во јужниот дел на Лима, Перу.
Што ќе работиш?
Како волонтер ќе бидеш вклучен/а во:
- поддршка на едукативни активности за деца и млади;
- организирање креативни, уметнички, рекреативни и интерактивни работилници;
- подготовка на материјали и логистичка поддршка за културни настани;
- учество во работилници за родова еднаквост, превенција од насилство и заштита на животната средина;
- поддршка на наставниот кадар во реализација на училишните активности;
- стекнување практично искуство со современи образовни методологии и пристапи.
Активностите се реализираат од 30 до 40 часа неделно, од понеделник до петок, а повремената работа за време на викендите се компензира со слободни денови.
Што е обезбедено?
Организацијата обезбедува:
- сместување во Пунта Негра, во еднокреветна соба со сопствено купатило;
- покриени основни трошоци (вода, струја, гас и интернет);
- целосно опремена кујна;
- лесен пристап до јавен превоз до училиштата каде што ќе се реализираат активностите;
- подготвителна обука во Италија или Шпанија пред заминувањето;
- воведна обука во Перу за локалниот контекст, безбедноста, културата и образовните методологии;
- континуирани средби и обуки со локални и меѓународни волонтери;
- Youthpass сертификат по успешно завршување на волонтерската активност.
Кој може да аплицира?
Се бара кандидат кој:
- има интерес за работа со деца и млади;
- лесно се прилагодува на нови култури и различни средини;
- е проактивен, креативен и одговорен;
- поседува добри комуникациски и тимски вештини;
- покажува емпатија, активно слушање и почит кон другите;
- е подготвен да учи и да придонесува во образовните активности на организацијата.
Услови за учество
Кандидатите треба:
- да имаат помеѓу 18 и 35 години;
- да живеат во една од земјите што учествуваат во програмата (земји членки на ЕУ, Северна Македонија, Исланд, Лихтенштајн или Турција);
- да ја имаат завршено задолжителната Humanitarian Aid Volunteering обука;
- претходно да немаат учествувано во индивидуално EU Humanitarian Aid Volunteering;
- вкупното времетраење на сите претходни и ова волонтирање во рамките на програмите на ЕУ да не надминува 12 месеци.
Доколку сакаш да придонесеш за квалитетно образование, да работиш со деца и млади и да стекнеш незаборавно меѓународно искуство во Перу, не ја пропуштај оваа можност!
Целиот повик тука