Платена практикантска работа во ТИТАН УСЈЕ – Сектор за животна средина
ТИТАН УСЈЕ АД Скопје објавува оглас за платена практикантска работа во Секторот за животна средина, наменета за млади таленти кои сакаат да стекнат практично искуство и да ги развијат своите професионални вештини. Како компанија посветена на поддршка на заедницата и развојот на младите, ТИТАН УСЈЕ преку својата програма за практикантска работа создава можности за поврзување на младите со реалната работна средина. Програмата е дел од заложбите на Групацијата ТИТАН во рамки на „Pact for Youth“ на Европската унија, со цел зголемување на можностите за вработување и развој на младите таленти.
🌱 Што ќе работи практикантот?
Како дел од практикантската програма, практикантот ќе има можност да:
- учествува во администрирање на документацијата согласно законските барања од областа на заштитата на животната средина, како и интерните системи и процедури;
- администрира и евидентира податоци поврзани со заштитата на животната средина;
- учествува во прибирање и обработка на податоци за месечни и годишни извештаи на Секторот за животна средина.
🎓 Кој може да аплицира?
Огласот е наменет за кандидати кои:
- се без работно искуство;
- се дипломирани или се во завршна година на технолошки науки, хемиски науки или машинско инженерство;
- имаат одлично познавање на Microsoft Office;
- имаат одлично познавање на англиски јазик;
- се посветени, мотивирани и иницијативни;
- имаат способност за тимска работа и кооперативност.
📄 Потребна документација
За аплицирање потребно е кандидатите да достават:
- Мотивациско писмо на англиски јазик;
- Биографија (CV);
- Доказ за образование – уверение за дипломирање или уверение за положени испити.
💼 Искористи ја можноста да стекнеш практично искуство, да учиш од професионалци и да го направиш првиот чекор кон твојата кариера во областа на животната средина!
Аплицирај тука