ТИТАН УСЈЕ нуди платена практикантска работа
ТИТАН УСЈЕ АД СКОПЈЕ, ТИТАН ГРУПА ангажира практикант/ка за платена практикантска работа на позиција КОМУНИКАЦИИ И ДИГИТАЛЕН ДИЗАЈНЕР Придружете се на тимот на ТИТАН УСЈЕ, водечка компанија во цементната индустрија, посветена на извонредност во производството и одржливоста. Нашата компанија е фокусирана на производство на висококвалитетни производи, истовремено минимизирајќи го влијанието врз животната средина. Како дел од развојот на нашите активности, бараме мотивиран/а и креативен/на практикант/ка за комуникации и дигитален дизајн, кој/а ќе се приклучи на нашиот динамичен тим.
Што ќе работиш?
Како дел од тимот на ТИТАН УСЈЕ, ќе имаш можност да учествуваш во:
- креирање содржини за социјални медиуми, веб-страници и други дигитални канали;
- реализација на интерни и екстерни комуникациски активности;
- организација на корпоративни настани, работилници, кампањи и промотивни активности;
- планирање, објавување и следење на содржини на социјалните медиуми;
- подготовка и ажурирање на презентации, комуникациски и промотивни материјали;
- активности поврзани со employer branding и корпоративната репутација.
Кого бараме?
Од кандидатите очекуваме:
- високо образование во областа на комуникации, маркетинг, односи со јавност, новинарство, бизнис администрација или сродна област;
- интерес и/или искуство во комуникации, маркетинг, PR, CSR или организација на настани;
- познавање на социјалните медиуми;
- познавање на Canva или Adobe Creative Suite ќе се смета за предност;
- одлично познавање на англиски јазик;
- познавање на Microsoft Office.
Особено ги цениме креативноста, иницијативноста, вниманието на детали и одличните комуникациски вештини.
Што нуди ТИТАН УСЈЕ?
- Платена практикантска работа;
- Бесплатен ручек во работните денови;
- можност за стекнување практично искуство и нови знаења;
- работа во позитивна и поттикнувачка професионална средина;
- можност за развој на комуникациски, дигитални и организациски вештини.
Како да аплицираш?
Доколку оваа можност ти звучи интересно, испрати ги твоите:
CV и мотивациско писмо на англиски јазик
преку онлајн формуларот на веб-страницата на ТИТАН УСЈЕ, во делот Career / Join Us.
Аплицирај преку: www.usje.mk
ТИТАН УСЈЕ е посветен на обезбедување еднакви можности за сите кандидати. Сите апликации ќе бидат разгледани со највисоко ниво на доверливост.