Хуманитарен волонтер во набавки и логистика во Мозамбик
WeWorld бара еден волонтер кој ќе се приклучи на нивната мисија во Мапуто, Мозамбик, во рамки на проектот REACH AID. Волонтерот ќе биде дел од тимот за логистика и набавки, со можност да стекне практично искуство во работата на меѓународна организација и во областа на хуманитарната помош.
📌 Што ќе работи волонтерот?
Во текот на волонтерскиот ангажман ќе учествува во:
- организирање и следење на набавки и потребни материјали;
- управување и следење на опрема, возила и залихи;
- водење и ажурирање на податоци и документација;
- поддршка на тимот за логистика и набавки;
- секојдневното оперативно функционирање на меѓународна хуманитарна организација.
Ангажманот трае 10 месеци.
👤 Кој може да се пријави?
Се бара мотивирана личност која:
- е заинтересирана за набавки, логистика и меѓународна соработка;
- има основно познавање на шпански или португалски јазик;
- е подготвена да живее и работи во различна културна средина;
- има способност за адаптација и тимска работа;
- сака да стекне меѓународно искуство преку хуманитарна работа.
⚠️ Важно: Кандидатот не треба претходно да има учествувано во индивидуално волонтирање на Европскиот корпус за солидарност во областа на хуманитарната помош.
🏠 Што е обезбедено?
Волонтерскиот проект ги покрива:
- сместувањето и комуналните трошоци;
- патните трошоци од местото на потекло до местото на активноста и назад;
- храна и локален транспорт;
- џепарлак за лични трошоци;
- осигурување за целиот период на ангажманот;
- бесплатен Wi-Fi и локална SIM картичка;
- лаптоп за потребите на волонтерскиот ангажман.
🎓 Обука и поддршка
Пред заминувањето, волонтерот ќе учествува на онлајн обука која опфаќа теми поврзани со работата на WeWorld, хуманитарната помош, безбедноста, менторството и практичните подготовки.
По пристигнувањето во Мозамбик ќе следува обука за организацијата и конкретната волонтерска улога.
Волонтерот ќе има поддршка од одговорен координатор и ментор на терен, а ќе има и можност за дополнителни обуки преку WeWorld и нејзините партнери.
📍 Локација
Мапуто, Мозамбик
⏳ Времетраење
10 месеци
🌱 Волонтирањето преку Европскиот корпус за солидарност е можност да стекнеш практично и меѓународно искуство, да работиш во мултикултурна средина и да придонесеш кон хуманитарни активности.
👉 Повеќе информации и пријавување тука
Организација домаќин: WeWorld – GVC
Програмата: European Solidarity Corps – Humanitarian Volunteering