Поддршка за економско зајакнување и претприемништво на младите во Кочанскиот регион
Во рамки на проектот „EU Civil Resilience Mechanism Phase II: Support for Civil Society and Grassroots Organisations“, финансиран од Европската Унија, е објавен нов Повик за предлози за ин-кaјнд поддршка на граѓански организации „Поддршка за економско зајакнување и претприемништво на младите во Кочанскиот регион“. Повикот е наменет за граѓански организации кои работат со млади и имаат потенцијал да придонесат кон нивното економско зајакнување, стекнување нови вештини, вработување и развој на сопствени идеи и иницијативи. Поддршката се фокусира на активности преку кои младите ќе можат да стекнат дигитални и AI вештини, претприемачки компетенции, знаења за вработување и развој на сопствени бизнис идеи, со посебен фокус на потребите на локалната заедница.
Приоритети на повикот
Секој апликант треба да избере еден од следните два приоритети:
1. Дигитални вештини, AI писменост и економско зајакнување на младите
Активности насочени кон стекнување дигитални и AI компетенции кои младите можат да ги применат за:
- вработување и развој на кариера;
- понатамошно образование и учење;
- фриленс и онлајн услуги;
- подобрување на нивната економска самостојност.
2. Младинско и социјално претприемништво
Активности кои ќе им помогнат на младите да:
- развијат претприемачки вештини;
- креираат и развиваат сопствени идеи;
- основаат младински иницијативи, мали бизниси и стартапи;
- создаваат економска и социјална вредност во својата заедница.
Достапна поддршка
Вкупниот буџет на повикот изнесува 300.000 евра.
Секоја избрана акција ќе добие ин-кaјнд поддршка во вредност од 10.000 до 15.000 евра, за период од 10 месеци.
Сите прифатливи трошоци поврзани со реализацијата на акцијата се покриваат целосно, а не е потребно кофинансирање од страна на организацијата.
Проектот директно ги плаќа давателите на услуги за потребните стоки и услуги, додека организацијата добива надомест за својот акциски тим.
Кој може да аплицира?
На повикот можат да аплицираат непрофитни, невладини граѓански организации регистрирани согласно Законот за здруженија и фондации.
Организациите треба:
- да бидат регистрирани и активни во Кочанскиот регион најмалку три месеци пред објавувањето на повикот;
- да имаат годишен обрт под 50.000 евра во последната затворена финансиска година;
- организации без претходна финансиска активност исто така се подобни за аплицирање.
За потребите на овој повик, Кочанскиот регион ги опфаќа општините Кочани, Чешиново-Облешево, Зрновци и Виница.
Информативни сесии
Заинтересираните организации се охрабруваат да учествуваат на една од информативните сесии:
- 15 октомври 2026, 11:00 часот – Кочани (локацијата дополнително ќе биде потврдена)
- 27 октомври 2026, 11:00 часот – онлајн
- 6 ноември 2026, 11:00 часот – онлајн
За учество на информативните сесии, потребно е да се испрати е-пошта на [email protected] најдоцна до 9 октомври 2026 година, 17:00 часот.
Во е-поштата треба да се наведат името на организацијата и имињата и е-поштенските адреси на најмногу двајца учесници.
Прашања
Прашањата во врска со повикот може да се доставуваат на [email protected] најдоцна до 6 ноември 2026 година, 17:00 часот.
Сите прашања и одговори ќе бидат објавувани на веб-страницата www.eu4cr.mk, во делот „Frequently Asked Questions“.
Како да аплицирате?
Апликациите треба да бидат поднесени на англиски јазик и да ги содржат:
- Апликациски формулар (Анекс А);
- Буџет (Анекс Б);
- потребната придружна документација.
Документите за аплицирање – Упатства за апликантите, Анекс А – Апликациски формулар и Анекс Б – Буџет – се достапни на www.eu4cr.mk.
Краен рок за аплицирање
16 ноември 2026 година до 17:00 часот.
Повикот претставува можност за локалните граѓански организации да развијат и реализираат конкретни активности кои ќе придонесат кон подобрување на вештините, економските можности и претприемачкиот потенцијал на младите во Кочанскиот регион.
Целиот повик тука