Повик за предлог проекти
Главната цел на малата грантова шема е да се зајакнат капацитетите на организациите на работодавачите, организациите на работници и невладините организации (НВО) специјализирани за безбедност и здравје при работа (БЗР), со цел тие да обезбедуваат практични, одржливи и приспособени на потребите услуги од областа на БЗР за своите членови и целни групи, придонесувајќи на тој начин кон посилна култура на превенција во Македонија.
Подобните апликанти во рамките на Повикот треба да ги опфаќаат следниве категории:
- Организациите на работодавачи регистрирани во Регистарот на организации на работодавачи при Министерството за економија и труд на Република С. Македонија
- Синдикати регистрирани во Регистарот на синдикати при Министерството за економија и труд на Република С. Македонија
- Официјално регистрирани невладини организации фокусирани на БЗР
Специфични цели се:
- Да се поддржат организациите на работодавачи и работници во развојот и испораката на практични услуги за БЗР на нивните членови.
- Да се зајакне улогата на невладините организации и професионалните здруженија специјализирани за БЗР во подигањето на свеста, превенцијата и техничката поддршка.
- Да се охрабрат микро, малите и средните претпријатија да се вклучат и да имплементираат практични мерки за БЗР.
- Да се промовира превенција на ниво на работното место преку системи за управување со БЗР, заеднички комитети за БЗР и претставници за БЗР на работниците.
- Да се зголеми свеста и знаењето за приоритетните ризици за БЗР, вклучувајќи ги психосоцијалните ризици, насилството и вознемирувањето, повредите и болестите при работа и обврските за известување.
- Да се создадат и дисеминираат практични алатки за БЗР, упатства и комуникациски производи за работодавачи, работници и актери во БЗР.
Вкупниот индикативен износ ставен на располагање во рамките на овој повик за предлози изнесува 100.000 евра. Максималниот износ на грантот е 10.000 евра. Договорниот орган го задржува правото да не ги додели сите расположливи средства.
Организациите што поднесуваат пријави во рамките на овој повик за предлози не се обврзани да обезбедат кофинансирање. Грантот ќе ги покрие сите прифатливи трошоци на активноста (100%) што се сметаат за неопходни за нејзино спроведување. Апликацијата треба да се пополни на англиски јазик.
Секој проект финансиран преку оваа грантова шема треба да се спроведува во период од 3 до 6 месеци, при што сите активности треба да се спроведат и завршат најдоцна до 30 јуни 2027 година.
Крајниот рок за поднесување апликации е 19/октомври/2026 во 17:00 часот.
Целиот текст тука