Повик за 30 млади од Северна Македонија, Србија и Косово за учество во дигитални мировни кампањи
Младински сојуз – Крушево, во рамки на проектот „PRO PEACE: Youth Path Towards Unfreezing Regional Trust, Stability and Security“, објавува отворен повик за избор на 30 млади лица од Северна Македонија, Косово и Србија, кои ќе учествуваат во развивање и спроведување на дигитални микро-кампањи за мир. Избраните учесници ќе бидат организирани во шест мешани регионални тимови, во кои заеднички ќе креираат дигитални содржини и кампањи што промовираат мир, толеранција, меѓусебно разбирање и регионална соработка. Повикот е наменет за креативни и мотивирани млади кои се заинтересирани за дигитални медиуми, креирање содржини и општествени теми, и сакаат преку своите идеи да придонесат кон позитивни промени во регионот.
Што нуди учеството?
Избраните млади ќе имаат можност да:
- Соработуваат со млади од Северна Македонија, Косово и Србија;
- Учествуваат на шест онлајн средби и менторски сесии со искусни медиумски професионалци;
- Развиваат и креираат дигитални содржини, како објави, видеа и рилс, подкасти и анимации;
- Работат на развивање и реализација на сопствена дигитална микро-кампања за мир;
- Ги унапредат своите вештини за креирање дигитални содржини и комуникација;
- Добијат можност нивните пораки и кампањи да допрат до поширока регионална публика;
- Добијат сертификат за учество.
Целта на иницијативата е да ги поттикне младите да го користат дигиталниот простор како алатка за позитивна комуникација, надминување на поделбите и создавање содржини кои придонесуваат кон градење доверба и култура на мир во регионот.
Кој може да аплицира?
Право на учество имаат млади лица од Северна Македонија, Косово и Србија кои:
- Се креативни и мотивирани за активно учество;
- Имаат интерес за дигитални медиуми и креирање содржини;
- Имаат добро познавање на англискиот јазик;
- Подготвени се за тимска работа во мешана регионална група;
- Се заинтересирани за теми поврзани со мир, толеранција, дијалог и регионална соработка;
- Сакаат да придонесат кон позитивни промени во своите заедници.
Како да аплицирате?
Заинтересираните кандидати треба да достават CV и мотивациско писмо на електронската адреса [email protected].
Наслов на е-пораката: Application for Digital Peace Micro-Campaigns.
Целосниот текст на отворениот повик, со повеќе информации за активностите и процесот на учество, е достапен на следниот линк.
Дигиталните мировни микро-кампањи се дел од проектот „PRO PEACE: Youth Path Towards Unfreezing Regional Trust, Stability and Security“, кој ги поврзува младите од Северна Македонија, Косово и Србија и создава можности за регионална соработка, дијалог и заедничко развивање иницијативи за градење мир.
Проектот е поддржан од ifa (Institut für Auslandsbeziehungen), со финансиска поддршка од Министерството за надворешни работи на Германија.
Целиот текст е тука