Повик за изразување интерес за отстранување на вештачко езерце Јанков Камен
Во рамки на своите активности за ослободување на речните текови, Еко-свест објавува повик за компании за изразување интерес за физичко отстранување на вештачкото езерце Јанков Камен во општина Вевчани. Локацијата на езерцето е на планината Јабланица во Споменикот на природа Вевчански извори. Повикот е отворен од 3 септември 2026 до 16 септември 2026 година. Заинтересираните компании можат да изразат интерес за давање понуда најдоцна до 16 септември 2026 година.
Компаниите кои изразиле интерес ќе бидат поканети на консултативен состанок и ќе им бидат доставени детални информации и технички проект за отстранување.
Изразувањето интерес треба да се достави во електронска форма на [email protected], со наслов на порака „Изразување интерес”.
Документи за изразување интерес:
- Писмо за изразување интерес
- Профил на компанијата
- Изјава (Анекс 1)
Критериуми за овој повик:
- Претходно искуство со отстранување и демонтажа на градежни објекти
- Поседување на неопходна механизација
- Поседување соодветни дозволи и лиценци за работа.
За било какви прашања, контактирајте го Дарко Ќитаноски на [email protected].
Целиот повик тука