ПОВИК ЗА УЧЕСНИЦИ: Training Course „Future in Bloom“ – Италија
Центарот за младински активизам КРИК објавува повик за учесници за меѓународната обука „Future in Bloom“, која ќе се одржи во Pieve di Cento, Bologna, Италија, во периодот 27 септември – 2 октомври 2026 година, вклучувајќи ги и деновите за патување. Обуката е дел од Erasmus+ KA220 проектот „Future in Bloom: Youth and Green Skills for Sustainability“. Патување: Поаѓање: 27.09.2026 авионски лет од Скопје за Венеција, од Венеција со воз се патува до Pieve di Cento Програмата започнува со активно учество од 28ми септември, до 2ри октомври петок. Враќање назад: 02.10.2026 авионски лет од Болоња за Скопје.
„Future in Bloom“ ги поврзува организациите од Италија и Северна Македонија со цел промовирање на одржливост на животната средина, инклузија и зелени вештини кај младите, вклучително и млади лица со попреченост и млади со помалку можности.
Преку практични активности и работа во социјални градини, проектот ги комбинира неформалното образование, искуственото учење и STEAM пристапот (Science, Technology, Engineering, Arts and Mathematics).
Во рамки на четиридневната обука учесниците ќе имаат можност да:
- стекнат практични знаења и алатки за интегрирање на еколошката одржливост во работата со млади;
- истражуваат методи на неформално и искуствено учење;
- се запознаат со практична примена на STEAM методологијата;
- развиваат активности кои се одржливи, пристапни и инклузивни, особено за млади лица со попреченост;
- ги зајакнат своите зелени вештини, вештини за инклузивна фасилитација и управување со групи;
- разменуваат искуства и образовни практики со колеги од Италија и Северна Македонија.
Повикот е наменет за:
младински работници, едукатори и други професионалци кои работат со млади, а имаат интерес за:
- одржливост и заштита на животната средина;
- инклузивно образование;
- иновативни образовни пристапи;
- неформално образование;
- искуствено учење;
- STEAM методологии.
Претходно искуство во областа на еколошкото образование не е задолжително. Најважни се мотивацијата за учење и подготвеноста стекнатите знаења и алатки да се применуваат во понатамошната работа со млади.
📅 27 септември – 2 октомври 2026
✈️ Деновите за патување се вклучени
📍 Pieve di Cento, Bologna, Italy
Учесниците ќе бидат сместени во „Pane e Vino“ Bed & Breakfast, каде што се обезбедени појадок и вечера. Активностите ќе се реализираат на различни локации во близина на Pieve di Cento, а превозот помеѓу локациите ќе биде организиран од домаќинот. Ручекот е покриен во текот на работната програма на локацијата каде ќе се одвиваат активностите.
Патните трошоци од Македонија до Италија и назад се предмет на рефундација. За рефундација потребно е учесниците да ги зачуваат:
- boarding passes;
- авионските билети;
- оригиналните автобуски/железнички билети;
- фактурите и сметките поврзани со патувањето.
Рефундацијата ќе биде извршена од страна на ЦМА КРИК директно на сметка на учесниците по добивање на целосната документација.
Заинтересираните кандидати треба да ја пополнат пријавата на следниот линк:
👉 [ЛИНК ДО ФОРМА]
https://docs.google.com/forms/d/e/1FAIpQLSe7w57ZxQ0IJQkiUlhMX0vPWsXIeEhMHtnfqCLVvFThT9HLHg/viewform
Избраните учесници ќе бидат дополнително контактирани со детални информации за патувањето и подготовката за обуката.
За дополнителни информации:
Организација домаќин: Città Verde – Italy
Организација која ги испраќа учесниците: ЦМА КРИК Македонија