Глобална младинска кампања на UNODC 2026
Повик за учество во Глобалната младинска кампања на УНОДЦ 2026: „Твојата приказна може да го промени патот – Биди дел од промената“
Канцеларијата на Обединетите нации за дрога и криминал (UNODC) ја објави Глобалната младинска кампања 2026 под мотото „Твојата приказна може да го промени патот – Биди дел од промената“, насочена кон превенција на младинското насилство и криминал.
Кампањата има за цел да ги истакне гласовите на младите луѓе кои биле погодени од насилство и криминал, да ги вклучи во креирањето ефективни превентивни решенија и да ја нагласи важноста од инвестирање во докажани, холистички и младински ориентирани пристапи засновани на реални животни искуства.
На учество се повикуваат млади лица на возраст од 18 до 29 години од сите региони во светот, кои можат да ги споделат своите ставови, искуства и идеи преку различни форми на креативно изразување, како што се:
- лични приказни;
- поезија;
- цртежи и илустрации;
- фотографии;
- видеа;
- музички дела;
- мултимедијални и комбинирани креативни содржини.
Особено се охрабруваат да учествуваат млади кои имаат лично искуство, биле сведоци или на друг начин биле засегнати од насилство и криминал, вклучувајќи преживеани лица и лица со животно искуство поврзано со овие предизвици.
Крајниот рок за поднесување на апликациите е 31 јули 2026 година.
Повеќе информации за условите за учество и начинот на пријавување се достапни на официјалната страница на УНОДЦ:
UNODC Global Youth Campaign 2026 – Your Story Can Change the Path – Be Part of the Change
Ги повикуваме младинските организации, универзитетите, граѓанските организации, мрежите на преживеани и сите заинтересирани партнери да ја споделат оваа можност и да ги поттикнат младите да го дадат својот придонес во градењето побезбедни и поинклузивни заедници.